Gernikako gaztetxe azpian kokatutako frontoi honetan, aurrez zenbait alditan aipatu dugun bezlala, esku pilota jokamoldea baino ez da praktikatzen. Bereziki, binakako partidak. horregatik argi zehaztua dago sakeak aurrelariak egiten dituztela 6 metroko marratik.Oraintxu esan bezala, sakea aurrelariak egiten du, eta eskuineko hurrengo irudian ikusi dezakegunez, hauek dira jokalariek izaten duten kokapena frontoian. Bai sakalariek bai errestokoek.
JOKALDIRIK OHIKOENAK
- Frontoi honetan jolasten diren eskupilota modalitateko kolpe ezagunenak ez dira oso ugariak. Edozein eskupilota partidutan bezala, frontoi honetan ere gehien erabiltzen diren kolpeak dejada txokora eta zabaletara zabaltzea izaten dira. Izan ere, aukera handiak daude bi kolpe hauek eginda tantoa lortzeko. Lehena eginez gero, dejada txokora, sarritan esan dugun bezala frontoiko zorua irregularra denez, oso ohikoa da pilotak bote arraro samarra ematea. Eta horri dejada gehituz, altxatzeko oso kolpe zaila izatea egiten du. - Beste aukera bat, pilota zabaletara zabaltzea dugu. Aukera hau, dejada txokora baino gehiagotan erabiltzen da, duen efektibitateagatik. Zeren, pilota ondo joz gero oso erraza da frontoiko arkupeetatik kanpora bidaltzea aurkariarentzako errestoa oso zaila bihurtuz. Izan ere, frontoitik kanpora irten beharko luke altxatzera eta erresto hori arkupeen artean sartu ondoren onera bidali, hau egiteko teknika paregabea izatea beharrezkoa da noski. Aldi berean, hau gertatzen ez denean, hau da, zabaletara bota eta pilota arkupeetatik kanpora ez doanean, zera gertatzen da, arkupeetako zutabeetan errebotea ematen du. Aukera hau ere, nahiz eta ez dirudien, oso zaila izaten da errestokoarentzat. Izan ere, pilotariek zenbaitetan pilota zabalerantz doala ikustean ezjakintasunean gelditzen dira,(kanpora irtengo da ala errebotea emango du?) berandu erreakzionatuz sarritan edo mugimendu okerra eginez.
No hay comentarios:
Publicar un comentario